سربیا کے شہرہ آفاق ٹینس سٹار ، عالمی نمبر ون ، میگا ایونٹ کے ٹاپ سیڈڈ اور دفاعی چیمپئن نوویک جوکووچ ،جرمنی کے ٹینس سٹار الیگزینڈرزویروف اورناروے کے ٹینس سٹار کیسپر رڈ اپنی فتوحات کے سلسلے کو برقرار رکھتے ہوئے فرنچ اوپن ٹینس میں مردوں کے سنگلز مقابلوں کے کوارٹر فائنل میں پہنچ گئے جبکہ امریکا کے ٹینس سٹار ٹیلر فریٹز اور روسی ٹینس سٹار ڈینیئل مدویدیف چوتھے رائونڈ میں ہارکر میگا ایونٹ سے باہر ہوگئے۔ مینز سنگلز مقابلوں کے چوتھے رائونڈ میں سربیا کے دفاعی چیمپئن نوویک جوکووچ نے انتہائی شاندار کھیل پیش کرتے ہوئے ارجنٹائن کے حریف ٹینس کھلاڑی فرانسسکو سیرونڈولو ک شکست دے کر ٹاپ ایٹ رائونڈ کے لئے کوالیفائی کرلیا۔نوویک جوکووچ کی فتح کا سکور 1-6، 7-5، 6-3،5-7اور 3-6تھا۔میگا ایونٹ کے کوارٹر فائنل میں نوویک جوکووچ کا مقابلہ ناروے کے ٹینس سٹار کیسپر رڈ سے ہوگا۔ جرمنی کے ٹینس سٹار الیگزینڈرزویروف نے شاندار کارکردگی کا مظاہرہ کرتے ہوئے ڈنمارک کے ہولگر رونے کو 6-4، 1-6، 7-5، 6-7(2-7)اور 2-6سے ہرا کر کوارٹر فائنل کے لئے کوالیفائی کرلیا۔آسٹریلیا کے الیکس ڈی مینور نے بھی چوتھی رکاوٹ عبور کرلی،انہوں نے روسی حریف ٹینس سٹار روسی ٹینس سٹار ڈینیئل مدویدیف کو 6-4، 2-6، 1-6 اور 3-6سے شکست دے کر ٹورنامنٹ کے کوارٹر فائنل کے لئے کوالیفائی کرلیا۔ناروسے کے کیسپررڈ نے چوتھے رائونڈ کے میچ میں امریکی حریف ٹینس کھلاڑی ٹیلر فریٹز کو 6-7(6-8)،6-3، 4-6اور 2-6سے مات دیکر ٹاپ ایٹ رائونڈ کے لئے کوالیفائی کیا۔

کریڈٹ: انڈیپنڈنٹ نیوز پاکستان-آئی این پی