پاکستانی ویٹ لفٹر نوح دستگیر بٹ نے کامن ویلتھ پاورلفٹنگ چیمپئن شپ میں شاندار بین الاقوامی ڈیبیو کرتے ہوئے 370 کلوگرام وزن اٹھا کر طلائی تمغہ حاصل کرلیا۔ جنوبی افریقہ میں ہونے والی کامن ویلتھ پاورلفٹنگ چیمپئن شپ میں مجموعی طور پر پاکستانی ویٹ لفٹر نوح دستگیر بٹ نے بہترین کارکردگی کا مظاہرہ کرتے ہوئے 3 طلائی اور ایک کانسی کا تمغہ حاصل کیا۔پرائیڈ آف پرفارمنس ایوارڈ یافتہ اور کامن ویلتھ گیمز کے گولڈ میڈلسٹ نے جنوبی افریقہ کے سن سٹی میں اپنے پہلے پاور لفٹنگ مقابلے میں 370 کلو گرام وزن اٹھا کر پاکستان کے پہلے پاور لفٹنگ گولڈ میڈلسٹ کے طور پر تاریخ میں اپنا نام روشن کیا۔ اسے بھی پڑھیں: ملتان میں انگلینڈ نے کئی ریکارڈ اپنے نام کر لئے نوح دستگیر بٹ نے پاورلفٹنگ مقابلے میں 370 کلو گرام وزن اٹھا کرسکواٹ ایونٹ اور بینچ پریس ایونٹ میں210 کلوگرام وزن اٹھا کرطلائی تمغے حاصل کیے۔ نوح دستگیر بٹ اوورآل میں بھی گولڈ میڈل کے حقدار قرار پائے، جبکہ ڈیڈلفٹ میں قومی ایتھلیٹ نے کانسی کا تمغہ حاصل کیا، قومی ویٹ لفٹر نے ایونٹ میں 120 کلو گرام سے زائد کی ویٹ کیٹیگری میں حصہ لیا۔ انہوں نے اپنی انسٹاگرام پوسٹ میں مداحوں کا شکریہ اد کرتے ہوئے لکھا میں نے کامن ویلتھ کلاسک پاور لفٹنگ چیمپیئن شپ 2024 میں گولڈ میڈل جیتا ہے، اگر آپ مجھے روک سکتے ہیں تو روکیں، لیکن بٹ نہیں رکنے والا۔ نوح دستگیر بٹ کو بینچ پریس اور ڈیڈ لفٹ کی کیٹیگری میں دو اضافی گولڈ میڈل جیتنے اور 120 کلو گرام سے زائد کی کیٹیگری میں مجموعی طور پر چیمپئن شپ ٹائٹل جیتنے کیلیے فیورٹ قرار دیا جارہا ہے۔

کریڈٹ: انڈیپنڈنٹ نیوز پاکستان-آئی این پی