پاکستان فٹبال فیڈریشن (پی ایف ایف )کے زیر اہتمام کھیلے جانے والے نیشنل چیلنج کپ 2023 کے افتتاحی روز کے آر ایل ، پاکستان نیوی اور پاک افغان چمن نے اپنے اپنے میچز میں کامیابی حاصل کر لی، کے آر ایل نے پی او ایچ واہ ، پاکستان نیوی نے پولیس اور پاک افغان چمن نے نمسو ایف سی کو شکست دے کر کامیابی سمیٹی،آر ایل گرائونڈ راولپنڈی میں کھیلے گئے ایونٹ کے میچ میں میزبان ٹیم کے آر ایل نے پی او ایچ واہ کو یکطرفہ مقابلے کے بعد 0-7سے ہرایا ، فاتح ٹیم کی طرف سے معین نے ہیٹ ٹرک سکور کی ،کے پی ٹی گرائونڈ میں کھیلے گئے میچ میں پاکستان نیوی نے پولیس کے خلاف 0-1سے کامیابی حاصل کی ، فاتح ٹیم کی طرف سے واحد گول نعمان نے کیا ،عیسی خان سٹیڈیم میں کھیلے گئے میچ میں پاک افغان چمن نے نمسو ایف سی کو ایک کے مقابلے میں چھ گول سے شکست دی ، اشرف نے فاتح ٹیم کی طرف سے ہیٹ ٹرک سکور کی۔

کریڈٹ: انڈیپنڈنٹ نیوز پاکستان-آئی این پی