پاکستان کی لیجنڈ ورسٹائل اداکارہ بشریٰ انصاری نے کہا ہے کہ فلم اور ٹی وی میں نئے آنے والے اداکار ٹیلنٹ سے بھرپور ہیں' ان کو دیکھ کر شوبز انڈسٹری کا مستقبل روشن نظر آرہا ہے۔ خصوصی گفتگو کرتے ہوئے بشری انصاری نے کہا کہ میرے نزدیک اصل فنکار وہی ہے جو کسی بھی کردار کو حقیقت کے قریب تر ہو کر نبھائے ٹی وی چینلز کے آنے سے اداکاروں کے لئے کام کے مواقع پیدا ہوئے اور اس سے مقابلے کی فضا بھی پیدا ہوئی ہے پاکستان کے ڈرامے میں آج بھی اپنی ثقافت کے دائرے میں رہتے ہوئے موضوعاتی کام ہو رہا ہے۔ انہوں نے کہا کہ بھارت سمیت دیگر ممالک کے ٹی وی ڈرامے موضوع کے اعتبار پاکستانی ڈرامے کا مقابلہ نہیں کر سکتے۔ انہوں نے امید ظاہر کرتے ہوئے کہا کہ نئے آنے والے اداکار وں میں بھرپور ٹیلنٹ موجود ہے جسے دیکھتے ہوئے لگتا ہے پاکستان شوبز انڈسٹری کا مستقبل خاصا روشن ہے۔

کریڈٹ: انڈیپنڈنٹ نیوز پاکستان-آئی این پی