ناروے کپ 2024کیلئے پاکستان اسٹریٹ چائلڈ فٹبال ٹیم کے ٹرائلز انعقاد پاکستان بھر میں کیا جارہا ہے،پاکستان اسٹریٹ چائلڈ فٹبال ٹیم کی مینجمینٹ کے مطابق ٹرائلز24فروری سے9 مارچ تک پاکستان کے مختلف شہروں لاہور ،کراچی، کوئٹہ ،فیصل آباد، پشاور، کوہاٹ، نوشہرہ ،میرپور آزاد کشمیر، میں ہوں گے، ٹرائلز کا مقصدناروے میں منعقد ہونے والے دنیا کی سب سے بڑے یوتھ فٹبال لیگ کے لیے پاکستان بھر سے ٹیلنٹ کو تلاش کرنا ہے۔فٹبال ٹورنامنٹ ناروے کے شہر اوسلو میں 27 جولائی سے 3اگست تک جاری رہے گا۔واضح رہے کہ اس سے قبل پاکستان سٹریٹ چائلڈ ٹیم تین مرتبہ ناروے کپ میں شرکت کر چکی ہے ، پاکستان سٹریٹ چائلڈ ٹیم 2014میں کواٹر فائنلسٹ ، 2016میں رنراپ رہ چکی اور 2023میں بھی رنراپ پوزیشن حاصل کر چکی ہے۔قومی اسٹریٹ چائلڈ فٹبال ٹیم عالمی مقابلوں میں دسویں مرتبہ شرکت کررہی ہے۔

کریڈٹ: انڈیپنڈنٹ نیوز پاکستان-آئی این پی