ناقص کارکردگی کے باعث برطانیہ کی دی ہنڈریڈ لیگ میں کسی بھی فرنچائز نے پاکستانی کھلاڑیوں کو پک نہ کیا۔میڈیا رپورٹس کے مطابق دی ہنڈریڈ ڈرافٹ کیلئے 45 پاکستانی کرکٹرز نے خود کو لیگ کیلئے رجسٹر کروایا تھا، جن میں نسیم شاہ، عماد وسیم اور جارح مزاج اوپنر صائم ایوب بھی شامل تھے تاہم ٹورنامنٹ میں شریک 8 فرنچائزز میں کسی ایک فرنچائز نے بھی پاکستانی کھلاڑیوں کو منتخب نہ کیا۔دی ہنڈرڈ لیگ کی فرنچائز مانچسٹر اوریجنلز نے افغانستان کے سپنر نور احمد کو 2 لاکھ پانڈز (7 کروڑ 25 لاکھ روپے سے زائد) میں سکواڈ کا حصہ بنایا ہے۔یاد رہے کہ گزشتہ برس لیگ میں پاکستانی پیسر نسیم شاہ ایک لاکھ 20 ہزار یورو(3 کروڑ 62 لاکھ سے زائد روپے ) کی ریزرو قیمت کیساتھ سب سے مہنگے پاکستانی کھلاڑی کے طور پر منتخب ہوئے تھے۔عماد وسیم اور صائم ایوب 78 ہزار یورو(2 کروڑ 35 لاکھ روپے سے زا ئد) میں ڈرافٹ کا حصہ بنے تھے۔علاوہ ازیں آل رائونڈر شاداب خان، حسن علی اور محمد حسنین کو 63 ہزار پانڈز ( 2 کروڑ 27 لاکھ روپے )کی ریزرو قیمت کے ساتھ لسٹ کا حصہ بننے کا اعزاز حاصل ہوا تھا۔

کریڈٹ: انڈیپنڈنٹ نیوز پاکستان-آئی این پی