پاکستان کے پروفیشنل باکسر عثمان وزیر نے اپنی اگلی انٹرنیشنل فائٹ کا اعلان کردیا ہے۔مسلسل 13فائٹس جیتنے والے پاکستانی پروفیشنل باکسر عثمان وزیر 26ستمبر کو بھارت کے باکسر کملدیپ جوروال کے ساتھ رنگ میں مدِ مقابل ہوں گے۔ یہ پاک بھارت مقابلہ تھائی لینڈ میں منعقد ہوگا،فائٹ کا اعلان عثمان وزیر نے اسلام آباد میں ایک پریس کانفرنس کے دوران کیا،عثمان وزیر نے اپنے کیریئر میں اب تک مسلسل 13فائٹس جیتی ہیں اور وہ بھارت کے باکسر کے خلاف کامیابی کے ساتھ اپنے جیت کے سلسلے کو برقرار رکھنے کے لیے پرامید ہیں،دوسری جانب انڈین باکسر کملدیپ جوروال بھی مسلسل 7فائٹس سے ناقابل شکست ہیں، جو اس مقابلے کو مزید دلچسپ بنا رہا ہے،عثمان وزیر کا ماننا ہے کہ یہ مقابلہ باکسنگ کے شائقین کے لیے ایک سنسنی خیز معرکہ ثابت ہوگا۔

کریڈٹ: انڈیپنڈنٹ نیوز پاکستان-آئی این پی