آسٹریلیا کے سابق کپتان ایڈم گلکرسٹ نے قومی ٹیم کے کپتان بابر اعظم کو اوپننگ کے لیے بہترین کھلاڑی قرار دیا ہے،آسٹریلیا میں میڈیا سے گفتگو کے دوران صحافیوں نے ایڈم گلکرسٹ سے بابر کے نمبر 3 یا نمبر 4 آنے سے متعلق سوال کیا، جس پر ان کا کہنا تھا کہ نہیں بابر اوپننگ کھلاڑی ہے اور پاکستان ٹیم کے لیے بابر کا ریکارڈ بہترین ہے،گلکرسٹ نے کہا کہ اگرچہ بابر کیلئے یہ ایک مشکل وقت ہے لیکن میرا خیال ہے کہ بابر اوپننگ پر آنے کے لیے ایک بہترین پلیئر ہے،دوسری جانب ورلڈکپ کے لیے فیورٹ ٹیم سے متعلق کیے گئے سوال پر ایڈم گلکرسٹ کا کہنا تھا کہ یہ یقین سے نہیں کہا جاسکتا ہے کہ ورلڈکپ کیلئے کون سی ٹیم فیورٹ ہے کیوں کہ یہ پیش گوئی کرنا خاصا مشکل ہے تاہم پاکستان نے ٹورنامنٹ میں موجود رہنے کے لیے اچھی فائٹ کی اور آج ٹیم سیمی فائنل میں ہے لہذا ان کے پاس اچھا چانس ہے۔

کریڈٹ: انڈیپنڈنٹ نیوز پاکستان-آئی این پی