معروف اداکارہ و ماڈل مریم نور کے یہاں پہلے بچے کی پیدائش ہوئی ہے، جس کا اعلان انہوں نے گزشتہ روز کیا۔ فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اپنی چند تصاویر شیئر کرتے ہوئے بیٹے کی پیدائش سے مداحوں کو آگاہ کیا اور اس کا نام بھی بتا دیا۔ انہوں نے پوسٹ کے کیپشن میں اپنے چاہنے والوں کے ساتھ اس خوش خبری کو شیئر کرتے ہوئے بیٹے کا نام بھی بتایا۔انہوں نے پوسٹ کے کیپشن میں لکھا کہ میرے باغ کا سب سے قیمتی پھول کھل گیا ہے، ہم اپنے اس چھوٹے اور پیارے بیٹے کو خوش آمدید کہتے ہیں، جس کا نام نائل اسماعیل ہے۔ اداکارہ نے اپنے اہلِ خانہ اور چاہنے والوں کی انسٹا اسٹوریز کو بھی ری شیئر کیا ہے۔انسٹا پوسٹ میں انہوں نے بیٹے کی نعمت ملنے پر اللہ تعالیٰ کا شکر بھی ادا کیا ہے جبکہ مداحوں اور ساتھی فنکاروں کی جانب سے اداکارہ اور ان کے اہلِ خانہ کے لیے مبارک باد، دعائوں اور نیک خواہشات کا سلسلہ جاری ہے۔

کریڈٹ: انڈیپنڈنٹ نیوز پاکستان-آئی این پی