پاکستان کے اسجد اقبال اور اویس منیر منگولیا سنوکر ورلڈ کپ کے کوارٹرفائنل میں پہنچ گئے،ایونٹ کے ناک آئوٹ مرحلے میں اسجد اقبال نے ہانگ کانگ کے کھلاڑی چانگ یو کیو کو ایک فریم کی قربانی دے کر1-4سے زیر کیا،دوسری جانب اویس منیر نے بھی ہانگ کانگ کے کھلاڑی چاو ہون مان کو 2-4سے قابو کیا، پاکستانی اویس منیر کو کوارٹر فائنل میں جگہ بنانے کے لیے دو فریمز کی قربانی دینا پڑی،کوارٹر فائنلز بدھ کو کھیلے جائیں گے، سیمی فائنل کے لیے اسجد اقبال کا مقابلہ چین کے گا یان سے ہوگا جبکہ اویس منیر کو ایران کے کوئسٹ کا سامنا درپیش ہوگا۔

کریڈٹ: انڈیپنڈنٹ نیوز پاکستان-آئی این پی