فلمسٹار میرا نے کہا ہے کہ منافقت پسند نہیں ہوں اسی لئے لوگوں کی تنقید کا نشانہ بھی بنتی ہوں۔ ایک انٹرویو میں میرا نے کہا کہ پاکستان فلم انڈسٹری کو دنیا بھر میں مضبوط دیکھنا چاہتی ہوں۔ اگر معیاری فلموں میں سینئر اور نئے لوگوں کو سامنے لایا جائے تو فلم انڈسٹری کو بہت جلد بحال کیا جا سکتا ہے انہوں نے کہا کہ پاکستانی فلم انڈسٹری میں میں نے جتنا کام کیا ہے اس میں ہمیشہ کچھ منفرد کیا ہے ۔ میرا نے کہا ہے کہ مجھے منافقت نہیں آتی میں ہمیشہ اپنے حق کے لئے آواز اٹھاتی ہوں شاید اسی وجہ سے اکثر لوگوں کی تنقید کا نشانہ بھی بنتی ہوں۔ میرا نے کہا میں نے موجودہ مقام بہت محنت کے بعد حاصل کیا ہے میرے مداحوں کی محبت کی میرا سب سے بڑا سرمایہ ہے۔

کریڈٹ: انڈیپنڈنٹ نیوز پاکستان-آئی این پی