قومی کرکٹ ٹیم کے بلے باز بابر اعظم نے اپیل کی ہیکہ انہیں کنگ شنگ کہنا بند کریں۔میڈیا سے بات کرتے ہوئے بابراعظم کا کہنا تھا کہ جب بھی بیٹنگ کے لیے جاتا ہوں تو یہی سوچ کر جاتا ہوں کہ اچھا اسکور کرنا ہے، بدقسمتی سے فنش نہیں کر پارہا ہوں، آج رضوان اور سلمان نے اچھا کھیلا ہے، ایسی کارکردگی سے ٹیم میں اعتماد آتا ہے۔ بابر اعظم کا کہنا تھا کہ مجھے کنگ شنگ کہنا بندکریں، میں ابھی کوئی کنگ نہیں، جب چھوڑیں گے تب دیکھیں گے، میرے لیے اوپننگ ایک نیا رول ہے، ٹیم کی ڈیمانڈ پر یہ ذمہ داری ہے، جب اننگز بنتی ہے تو گیم چلانے کا اور پچ کا اندازہ ہوجاتا ہے، کوشش کرتا ہوں کہ اچھا کھیلوں مگر سیٹ ہونے کے بعد لمبی اننگز نہیں کھیل پا رہا۔بابر اعظم کا کہنا تھا کہ میں خود سے بات کرتاہوں کہ کیسے اس صورتحال سے نکلنا ہے، میں نے جو پہلے کیا ہے وہ ماضی ہے، میں پچھلی پرفارمنس میں رہا تو آگے نہیں پرفارم کر پائہں گا، جو پہلے کیا وہ دن گزر گیا، اگلے دن نیا پلان اور نیا مائند سیٹ ہوتا ہے، جب بڑا ٹوٹل عبور کرکے کامیاب ہوتے ہیں تو اس سے اعتماد ملتا ہے۔

کریڈٹ: انڈیپنڈنٹ نیوز پاکستان-آئی این پی