ماڈل وجدان را ئو نے گلوکار چاہت فتح علی خان کے ساتھ سوشل میڈیا پر وائرل گانے بدو بدی کو اپنی زندگی کی سب سے بڑی غلطی قرار دے دیا۔پریس کانفرنس کے دوران ماڈل وجدان رائو نے انکشاف کیا کہ ان کی جان کو خطرہ ہے اور اگر انہیں کچھ بھی ہوتا ہے تو اس کی ذمہ داری گلوکار چاہت فتح علی خان پر عائد ہوتی ہے۔پریس کانفرنس کے دوران صحافی کی جانب سے سوال کیا گیا کہ وجدان کیا آپ کو اس بات کا پکا یقین ہے کہ آپکی جو حالیہ تصاویر لیک ہوئی ہیں وہ چاہت فتح علی خان نے ہی لیک کروائی ہیں اور اس کے ساتھ ساتھ آپ یہ بھی کہتی نظر آئیں ہیں کہ آپ کی جان کو خطرہ ہے، آپ کو دھمکی آمیز کالز بھی موصول ہوئی ہیں اس حوالے سے کیا کہیں گی؟۔سوال کے جواب میں بدو بدی گرل نے کہا کہ جو تصاویر وائرل ہورہی ہیں وہ میرے اکائونٹ پر پہلے ہی سے موجود تھیں جنہیں میری جانب سے پوسٹ کیا گیا تھا لیکن چاہت فتح علی خان کے کہنے پر کچھ لوگوں نے ان تصاویر کو غلط رخ دے کر سوشل میڈیا پر وائرل کیا۔ وجدان نے مزید کہا کہ مجھے دھمکی آمیز کالز موصول ہوئی ہیں اور اگر میری جان کو کسی بھی قسم کا نقصان پہنچتا ہے تو ذمہ دار چاہت فتح علی خان ہوں گے۔

کریڈٹ: انڈیپنڈنٹ نیوز پاکستان-آئی این پی