شوبز انڈسٹری کی نامور اداکارہ کبری خان نے اپنے پسندیدہ کرکٹر کا نام بتادیا۔گزشتہ روز نجی ٹی وی کے شو میں پاک اور امریکا کے میچ کے دوران اداکارہ کبری خان، گوہر ممتاز نے شرکت کی اور کرکٹ سے متعلق اپنی رائے کا اظہار کیا۔میزبان نے کہا کہ آپ برطانیہ میں رہیں، کرکٹ وہاں سے ایجاد ہوئی لیکن آپ کو کرکٹ میں زیادہ دلچسپی نہیں ہے؟ کبری خان کہا کہ کرکٹ میں دلچسپی تب ہوتی ہے جب پاکستان میں میچ ہوتا ہے، میرے پسندیدہ کرکٹر نسیم شاہ ہیں، وہ ٹیم میں اچھا اضافہ ہیں۔ کبری خان نے کہا کہ وہ اچھے کرکٹر ہی نہیں، اچھی شخصیت کے مالک بھی ہیں۔ اس سے قبل دورانِ پروگرام میزبان نے اداکارہ حریم فاروق سے سوال کیا تھا کہ آپ بھی سنگل ہیں تو آپ کو قومی کرکٹ ٹیم میں سے کون سا سنگل کھلاڑی سب سے زیادہ پسند ہے؟ ہوسٹ کے سوال کے جواب میں اداکارہ حریم فاروق نے مسکراتے ہوئے جواب دیا کہ مجھے پہلے نمبر پر بابر اعظم اور پھر نسیم شاہ پسند ہے، جبکہ انہوں نے شاہین شاہ آفریدی کا بھی نام لیا۔ پوڈ کاسٹ کے دوران حریم نے بتایا تھا کہ ان کے ہونے والے ہمسفر میں سچائی لازمی ہونی چاہیے، وہ چاہتی ہیں کہ ان کے ہمسفر کی طبیعت دوستانہ ہو۔ ان کا کہنا تھا کہ ان کے والدین ڈاکٹر ہیں، ہمارے خاندان میں ہم بچوں کو ہمیشہ اظہار خیال کرنے کی آزادی رہی ہے، ہم صرف دو بہنیں اور میں بڑی ہوں۔

کریڈٹ: انڈیپنڈنٹ نیوز پاکستان-آئی این پی