اداکارہ نازش جہانگیر نے ساتھی اداکارہ درفشاں سلیم سے متعلق بیان پر وضاحت دے دی۔ماضی کے ایک انٹرویو میں نازش جہانگیر اداکارہ درفشاں سلیم کی وجہ شہرت کے سوال کا جواب دے کر موضوع بحث بن گئی تھیں۔انٹرویو کے دوران میزبان کی جانب سے اداکارہ نازش جہانگیر سے سوال کیا کہ وہ کون سی اداکارہ ہیں جو ٹیلنٹ کے بجائے قسمت سے زیادہ مقبول ہوئی ہیں؟اس سوال پر نازش جہانگیر نے جواب میں اداکارہ دِرفشاں سلیم کا نام لیتے ہوئے کہا کہ درِ فشاں سلیم ٹیلنٹ سے زیادہ قسمت سے کامیاب ہو رہی ہیں۔ اب درفشاں سلیم کی فنکارانہ صلاحیتوں سے متعلق بات کرنے پر نازش جہانگیر نے اپنا وضاحتی بیان جاری کردیا۔ نازش جہانگیر کا حالیہ انٹرویو میں کہنا تھا کہ اتنا اچھا کام کرنے پر انہیں درفشاں پر فخر ہے۔نازش جہانگیر کے مطابق ان کا مطلب صرف یہ تھا کہ ہم سب کو اچھے پروجیکٹ ملتے ہیں جب ہماری قسمت اچھی ہو اور یہی وجہ ہے کہ درفشاں سلیم کی قسمت اللہ نے بہت اچھی بنائی ہے۔نازش نے اپنی الفاظ کی وضاحت دیتے ہوئے مزید کہا کہ میرے خیال میں کوئی انسان ٹیلنٹ سے زیادہ اچھا کام جب ہی کرتا ہے جب اس کی قسمت اچھی ہوتی ہے۔

کریڈٹ: انڈیپنڈنٹ نیوز پاکستان-آئی این پی