پاکستانی سوشل میڈیا انفلوئنسر، ٹک ٹاکر اور یوٹیوبر ربیکا خان نے بھی آخر کار عمرے کی سعادت حاصل کرلی۔ ربیکا خان ان دنوں سعودی عرب میں موجود ہیں جہاں سے لمحہ بہ لمحہ دلکش تصاویر اور ویڈیوز سے صارفین کی توجہ کا مرکز بنی ہوئی ہیں۔حال ہی میں سعودی عرب کے شہر جدہ میں جدہ سیزن کا اہتمام کیا گیا جس میں پاکستان اور انڈونیشیا میوزیکل نائٹ میں بھارتی گلوکاروں کے بعد پاکستانی گلوکاروں نے اپنے فن کا مظاہرہ کیا۔اس میوزیکل نائٹ میں پرفارم کرنے کے بعد کئی شخصیات نے عمرہ ادائیگی کیلئے مکہ مکرمہ کا رخ کیا ان میں ایک نام سرفہرست گلوکارہ آئمہ بیگ تھا جنہیں موسیقی کی تقریب کے فورا بعد اللہ کے گھر کی حاضری دیتے دیکھا گیا۔بعدازاں آئمہ بیگ کے بعد عمرہ ادا کرنے والوں کی فہرست میں ربیکا خان بھی شامل ہوگئیں جنہوں نے اپنی فیملی کیساتھ پہلا عمرہ ادا کیا۔

کریڈٹ: انڈیپنڈنٹ نیوز پاکستان-آئی این پی