نیوزی لینڈ سیکیورٹی وفد نے آئندہ ماہ پاکستان کا دورہ کرنیوالی نیوزی لینڈ کرکٹ ٹیم کے سیکیورٹی پلان پر اطمینان کا اظہار کردیا ۔ چیئرمین پی سی بی محسن نقوی سے نیوزی لینڈ کے دو رکنی سکیورٹی وفد جس میں نیوزی لینڈ پلیئرز ایسوسی ایشن کے چیف ایگزیکٹو آفیسر ہیتھ ملز اور سکیورٹی کنسلٹنٹ ریگ ڈکاسن شامل تھے نے ملاقات کی جس میں کیوی وفد کو پاکستان کرکٹ بورڈ کی جانب سے کیے گئے سیکورٹی اقدامات سے آگاہ کیا گیا۔ملاقات میں نیوزی لینڈ کرکٹ ٹیم کے دورہ پاکستان کے انتظامات اور سکیورٹی پلان پر تفصیلی تبادلہ خیال بھی ہوا۔ چیئرمین پی سی بی محسن نقوی نے کیوی وفد کو فول پروف سکیورٹی انتظامات کی یقین دہانی کراتے ہوئے کہا کہ نیوزی لینڈ کرکٹ ٹیم کے کھلاڑی پاکستان کے مہمان ہیں۔ کیوی ٹیم کے لئے بہترین سکیورٹی انتظامات کئے جائیں گے۔ کیوی سیکیورٹی وفد نے کہاکہ راولپنڈی کرکٹ سٹیڈیم کا دورہ کے دوران سکیورٹی انتظامات شاندار تھے۔ پی سی بی کے چیف آپریٹنگ آفیسر سلمان نصیر، ڈائریکٹر سیکیورٹی ڈیپارٹمنٹ کرنل خالد ،ڈائریکٹر انٹرنیشنل پاکستان کرکٹ بورڈ عثمان واہلہ بھی اس موقع پر موجود تھے

کریڈٹ: انڈیپنڈنٹ نیوز پاکستان-آئی این پی