پی سی بی کے چیئرمین محسن نقوی نے پی ایس ایل فرنچائز مالکان کو مکمل تعاون کی یقین دہانی کراتے ہوئے کہا کہ میں آپ کو فرنچائز کے مالکان کے طور پر بڑھتا اور پھلتا پھولتا دیکھنا چاہتا ہوں،میں آپ کے مقاصد کے حصول کے لیے آپ کی مدد کروں گا،میں چاہتا ہوں کہ پروفیشنل کرکٹرز سال بھر مصروف رہیں،قومی ڈیوٹی کے لیے ضرورت پڑنے پر وہ اپنی بہترین شکل میں ہوں ۔پی سی بی کے چیئرمین محسن نقوی کی صدارت میں 2024-25 کے ڈومیسٹک کرکٹ ڈھانچے اور پی ایس ایل گورننگ کونسل کا اہم اجلاس ہوا جس میںفرنچائز مالکان نے کہا ایچ بی ایل پی ایس ایل پاکستان کرکٹ کے تاج میں ایک زیور ہے اور ہم پی سی بی کے تعاون سے اسے مسلسل ترقی کرتا دیکھنا چاہتے ہیں ۔محسن نقوی نے پی ایس ایل گورننگ کونسل کے اجلاس میں فرنچائز مالکان کو مکمل تعاون کی یقین دہانی کراتے ہوئے کہا کہ میں آپ کو فرنچائز کے مالکان کے طور پر بڑھتا اور پھلتا پھولتا دیکھنا چاہتا ہوں۔ میں آپ کے مقاصد کے حصول کے لیے آپ کی مدد کروں گا ۔ انہوں نے ڈومیسٹک کرکٹ ڈپارٹمنٹ کو ہدایت کہ وہ ایونٹس کا ایک مسابقتی شیڈول تیار کرکے پیش کریں جو بین الاقوامی کرکٹ کے ساتھ خلا کو پر کرنے میں مدد کر سکے۔

محسن نقوی نے ڈومیسٹک کرکٹرز کے لیے کھیلنے اور آمدن کے زیادہ مواقع فراہم کرنے کے ساتھ ساتھ کرکٹ کے معیار میں اضافے کی ضرورت پر زور دیا۔ محسن نقوی کی جانب سے 2024-25 کے ڈومیسٹک کرکٹ کیلنڈر میں اضافی ٹی ٹوئنٹی ۔پچاس اوورز اور چار روزہ ایونٹس شروع کرنے کی خواہش کا اظہار کیا گیا ۔ انہوں نے کہا میں چاہتا ہوں کہ پروفیشنل کرکٹرز سال بھر مصروف رہیں تاکہ وہ بہتری لاتے رہیں اور قومی ڈیوٹی کے لیے ضرورت پڑنے پر وہ اپنی بہترین شکل میں ہوں ،ایک مضبوط، مسابقتی اور مضبوط ڈومیسٹک کرکٹ ڈھانچہ کھلاڑیوں کے پول کو بڑھانے میں مدد کرے گا جس سے پاکستان کرکٹ ٹیم کو فائدہ ہوگا ،2024-25 کا ڈومیسٹک کرکٹ سیزن ستمبر میں شروع ہونے کی امید ہے۔ 2026 میں ایچ بی ایل پی ایس ایل میں ٹیموں کی تعداد چھ سے بڑھا کر آٹھ کرنے کے بارے میں تبادلہ خیال، مزید بات چیت آئندہ ماہ ہوگی۔ پی سی بی کی جانب سے ایچ بی ایل پی ایس ایل 2025 کے لیے 7 اپریل سے 20 مئی تک ونڈو کی تجویز ، مزید بات چیت اگلے ماہ ہوگی۔

کریڈٹ: انڈیپنڈنٹ نیوز پاکستان-آئی این پی