پاکستانی فاسٹ بولر محمد عباس کا کائو نٹی چیمپئن شپ میں نئی کائو نٹی ڈربی شائر سے 2 سال کا معاہدہ ہو گیا۔ڈربی شائر کے ہیڈ کوچ مکی آرتھر ہیں جبکہ محمد عباس لیسٹر شائر، ہیمپشائر اور ناٹنگھم شائر کی نمائندگی کر چکے ہیں۔مکی آرتھر کا کہنا ہے کہ عباس ریڈ بال کے ایک بہترین فاسٹ بولر ہیں، 2026 اور2027 کے لئے عباس کے ڈربی شائر میں شامل ہونے پر خوش ہوں، محمد عباس غیر معمولی بولر ہیں، حریف بیٹرز کو دباو میں لے کر وکٹیں حاصل کرتے ہیں۔ہیڈ کوچ ڈربی شائر نے مزید کہا ہے کہ میڈن اوورز اور بہترین اوسط سے وکٹیں لینا محمد عباس کی پہچان ہے، ان کا تجربہ ڈربی شائر کے لیے اہم ہے، نوجوان کھلاڑی تجربے سے فائدہ اٹھائیں گے۔

کریڈٹ: انڈیپنڈنٹ نیوز پاکستان-آئی این پی