بھارتی مداح نے سوشل میڈیا پر مخصوص انداز کے تحت وائرل ہونے والے ترک اولمپک شوٹر سمجھ کر بھارتی اداکار عادل حسین کو مبارکباد پیش کی جس پر اداکار نے ردعمل دیا ہے۔ایکس کے صارف نے یوسف ڈیکیک اور عادل حسین کی تصاویر ایک ساتھ لگا کر کیپشن میں لکھا ترکیہ کیلئے اولمپک 2024 میں سلور میڈل جیتنے پر سر عادل حسین آپ کو مبارک ہو۔اس پرستار کو جواب دیتے ہوئے عادل حسین نے لکھا 'کاش کہ یہ سچ ہوتا، ہوسکتا ہے کہ پریکٹس کرنے میں زیادہ دیر نہ ہوئی ہو لیکن میری عادت کے مطابق مجھے ابھی اس حوالے سے مہارت کیلئے پریکٹس کی ضرورت ہے۔پوسٹ وائرل ہونے کے بعد عادل حسین نے بھارتی میڈیا سے گفتگو کے دوران کہا کہ مجھے نہیں لگتا یہ کسی غلط فہمی کی وجہ سے ہوا، ممکنہ طور پر سوشل میڈیا یوزر نے مذاق کرنے کیلئے قصدا ًایسا کیا تھا اس لیے جب میں نے یہ پوسٹ دیکھا تو بالکل حیرانی یا تعجب نہیں ہوا۔

کریڈٹ: انڈیپنڈنٹ نیوز پاکستان-آئی این پی