اداکارہ صنم سعید کا کہنا ہے کہ فواد خان اور ماہرہ خان کی جوڑی انتہائی خوبصورت لگتی ہے، کیوں دونوں ہی بہت پیارے ہیں اور جب دونوں اسکرین پر نظر آتے ہیں تو دیکھنے والوں کو جادو سا احساس ہوتا ہے۔ ایک انٹرویو میں اداکارہ نے ماہرہ خان اور فواد خان کی جوڑی کو بہترین قرار دیتے ہوئے ان کے رومانس کو اسکرین پر جادو قرار دیا۔اداکارہ کا کہنا تھا کہ ماہرہ خان اور فواد خان کی جوڑی کے برعکس جب وہ فواد خان کے ساتھ اسکرین پر نظر آتی ہیں تو لوگوں کو جادو سا احساس نہیں ہوتا اور ان کی جوڑی اتنی اچھی نہیں لگتی۔صنم سعید کے مطابق ماہرہ خان اور فواد خان دونوں ہی خوبصورت اور پیارے ہیں، اس لیے ان کی جوڑی اچھی لگتی ہے لیکن ان کے ساتھ فواد خان کا نظر آنا مختلف ہوسکتا ہے، لازمی نہیں ہیں کہ وہ دونوں ہمیشہ جوڑی کی صورت میں ہی نظر آئیں۔صنم سعید نے کہا کہ انہیں خود بھی یقین نہیں ہو رہا کہ وہ اور فواد خان 12 سال بعد دوبارہ اسکرین پر ایک ساتھ کام کر رہے ہیں۔

کریڈٹ: انڈیپنڈنٹ نیوز پاکستان-آئی این پی