سابق بھارتی کرکٹر وریندر سہواگ نے ویرات کوہلی کی مسلسل دوسری سنچری کی تعریف کی ہے ۔رائے پور میں کھیلے گئے دوسرے ون ڈے انٹرنیشنل میں ویرات کوہلی نے جنوبی افریقا کے خلاف مسلسل دوسری سنچری اسکور کی ہے جو ان کے کیریئر کی 53ویں اور مجموعی طور پر 84ویں سنچری ہے۔ اس کے ساتھ ہی کوہلی کی رائے کپور میں یہ پہلی سنچری ہے اب وہ 34 مختلف وینیوز پر ون ڈے سنچری بنانے والے دوسرے کھلاڑی بن گئے ہیں۔ اس سے قبل بھارت کے ہی سچن ٹنڈولکر نے 34 مختلف وینیوز پر سنچریز بنا رکھی تھیں۔ سابق بیٹر وریندر سہواگ نے ایکس پر ویرات کوہلی کی سنچری کی تصاویر شیئر کیں اور لکھا کہ ویرات کوہلی کو 100 کا نشہ ہی الگ ہے، ہم لوگ سنچری گن رہے ہوتے ہیں وہ روٹین کا کام سمجھ کر کردیتا ہے۔ انہوں نے مزید لکھا کہ ویرات کوہلی ہے تو ممکن ہے، انہوں نے گائیکواڈ کو بھی سنچری اسکور کرنے پر مبارکباد دی۔

کریڈٹ: انڈیپنڈنٹ نیوز پاکستان-آئی این پی