لیجنڈ کرکٹ ٹرافی ایک دن کی دوری پر افتتاح میچ میں ہربھجن اور یورج کی ٹیمیں مدِمقابل ہوں گی۔ تفصیلات کے مطابق لیجنڈز کرکٹ ٹرافی کا آغاز 8مارچ کو سری لنکا کے شہر کینڈی میں پالے کیلے انٹرنیشنل کرکٹ سٹیڈیم میں ہو رہا ہے۔ افتتاحی میچ میں بھارتی کرکٹرز ہربھجن سنگھ اور یوراج سنگھ کی مدِ مقابل ہوں گی۔ سابق بھارتی آل رانڈر یوراج سنگھ جس ٹیم کی قیادت کریں گے اس میں ڈین کرسچن، اسورو اڈانا، جیروم ٹیلر، ریکارڈو پاول، چمارا کاپوگیدرا، راہول شرما اور لاہیرو تھریمانے شامل ہیں۔جب کہ ہربھجن سنگھ کی قیادت میں دبئی جائنٹس میں شان مارش، رچرڈ لیوی، تھیسارا پریرا، فیڈل ایڈورڈز اور بین لافلن شامل ہیں۔ دونوں ٹیمیں متوازن نظر آتی ہیں اور دلچسپ ٹورنامنٹ کے پہلے مقابلے میں شاندار کارکردگی کا مظاہرہ کرنے کو تیار ہیں۔لیجنڈ کرکٹ ٹرافی کا پہلا سیزن گزشتہ برس 22 سے 30 مارچ تک بھارت کے شہر غازی آباد میں منعقد ہوا تھا۔ اندور نائٹس اور گوہاٹی اوینجرز کو فائنل کے بعد افتتاحی سیزن کا مشترکہ فاتح قرار دیا گیا تھا۔

کریڈٹ: انڈیپنڈنٹ نیوز پاکستان-آئی این پی