(پی ایس ایل) فرنچائز لاہور قلندرز کے بیٹر فخر زمان نے کہا ہے کہ ہم 3 میچز جیتے، 3 ہارے ہیں، جس سمت میں ٹیم جا رہی ہے اس سے مطمئن ہیں۔لاہور میں میڈیا سے گفتگو کرتے ہوئے فخر زمان نے کہا ہے کہ ہم سب مل کر کھیل رہے ہیں اور حریف ٹیموں کو ٹف ٹائم دے رہے ہیں، مشکل پیش آنے کے باوجود 170 سے زائد رنز بن رہے ہیں، جیسی پچز بن رہی ہیں ہمیں اس کا فائدہ ہو گا۔لاہور قلندرز کے بیٹرز نے مزید کہا ہے کہ میں سمجھتا ہوں کہ ڈومیسٹک میں بھی گرین پچز ہونی چاہئیں تاکہ فائدہ ہو، ریشاد حسین باصلاحیت سپنر ہے، اس کا مستقبل روشن ہے۔فخر زمان نے مزید کہا ہے کہ ایک جگہ پر میچز ہونے سے کنڈیشنز سے ہم آہنگ ہونے کا موقع ملتا ہے۔

کریڈٹ: انڈیپنڈنٹ نیوز پاکستان-آئی این پی