بالی ووڈ کے معروف ہدایتکار و پروڈیوسر کرن جوہر اپنے ایک مداح کی جانب سے انکل کہہ کر پکارے جانے ناخوش ہوگئے ۔بھارتی میڈیا کے مطابق ڈائریکٹر ان دنوں اپنی فیملی کے ہمراہ چھٹیاں گزارنے لندن گئے ہوئے ہیں جب کہ سوشل میڈیا پر کرن جوہر کی ایک ویڈیو وائرل ہے جس میں دیکھا جاسکتا ہے کہ ایک شخص نے لندن میں کرن کو دیکھا اور ویڈیو بنانا شروع کی، ویڈیو میں وہ پوچھتا ہے کہ مجھے ابھی ابھی کرن جوہر نظر آئے ہیں، مجھے انہیں کیا کہہ کر مخاطب کرنا چاہیے؟یہ کہتے ہی وہ کرن جوہر کی طرف گیا اور کہا ہائے انکل یہ سن کر کرن نے حیرانی سے سوال کیا کہ کیا تم نے مجھے ابھی انکل کہا؟ ساتھ ہی مداح کو قہقہہ لگاتے ہوئے سنا جاسکتا ہے، کرن جوہر یہ کہہ کر چلے جاتے ہیں جب کہ مداح ہنس رہا ہوتا ہے۔

کریڈٹ: انڈیپنڈنٹ نیوز پاکستان-آئی این پی