کراچی میں پاکستان سپر لیگ کے میچز کے لیے فول پروف سکیورٹی پلان تیار کرلیاگیا،کراچی میں پی ایس ایل میچز کا دور (آج)28فروری سے 18مارچ تک جاری رہے گا جس میں ایس ایس یو کے ایک ہزار کمانڈوز سکیورٹی کے فرائض انجام دیں گے۔سکیورٹی حکام کے مطابق میچز کے دوران ٹریفک پولیس، ڈسٹرکٹ پولیس اور رینجرز بھی فرائض انجام دیں گے جب کہ کمانڈوز اسٹیڈیم، پریکٹس گرائونڈ، ائیرپورٹ، روٹس اور دیگر مقامات پر تعینات ہوں گے۔حکام کا کہنا ہے کہ شائقین کے لیے چائنا گرائونڈ کی پارکنگ کے لیے مختص کیا گیا ہے ، میچ سے تین گھنٹے قبل اسٹیڈیم کے دروازے کھولے جائیں گے جب کہ اسٹیڈیم آنے والوں کے لیے اصل شناختی کارڈ ساتھ رکھنا لازم ہے۔

کریڈٹ: انڈیپنڈنٹ نیوز پاکستان-آئی این پی