چئیرمین پی سی بی محسن نقوی کی خصوصی دعوت پر ینگ کرکٹرز پی سی بی کے مہمان بنے اور پاکستان ٹیم سے ملاقات کی ۔ینگ کرکٹرز نے کراچی کے مقامی ہوٹل میں قومی ٹیم کے کھلاڑیوں سے ملاقات کی۔ تصویریں اور سلفیاں بنائیں۔ ذرائع کے مطابق نیا ناظم آباد کرکٹ گرائونڈ پر کھیلنے والے 15 سے زائد ینگ پلیئرز کو پروٹوکول میں ہوٹل لایا گیا۔ ینگ کھلاڑیوں نے کپتان محمد رضوان، بابر اعظم، شاہین شاہ آفریدی اور دیگر کھلاڑیوں کے ساتھ وقت گزارا اور گپ شپ کی ۔ینگ کرکٹرز نے قومی کھلاڑیوں سے کرکٹ کے بارے سوال کئے اور بیٹنگ و بائولنگ کے بارے ٹپس لیں۔قومی کرکٹ ٹیم کے کھلاڑیوں نے بچوں کو کرکٹ کے ساتھ تعلیم میں محنت کی تلقین کی ۔ینگ کرکٹرز نے قومی ٹیم کے کھلاڑیوں سے ملاقات پر خوشی کا اظہار کیا۔ینگ کرکٹرز نے قومی کھلاڑیوں سے ملاقات کرانے پر چیئرمین پی سی بی محسن نقوی کا شکریہ ادا کیا۔ینگ کرکٹرز نے سہ ملکی سیریز کے فائنل اور چیمپئنز ٹرافی ٹورنامنٹ کے لئے قومی ٹیم کے لئے نیک خواہشات کا اظہار کیا۔
کریڈٹ: انڈیپنڈنٹ نیوز پاکستان-آئی این پی