قومی وویمن فٹبال ٹیم کی رواں ماہ نیپال میں کھیلی جانیوالی ساف وویمنز فٹبال چیمپئن شپ میں شرکت مشکوک ہو گی ، پاکستان سپورٹس بورڈ نے بھی دورے کیلے فٹبال فیڈریشن کی دستاویز پراعتراضات عائد کرتے ہوئے این او سی دینے سے انکار کردیا۔پاکستان سپورٹس بورڈ نے قومی وویمن فٹبال ٹیم کے دورے نیپال پر اعتراضات لگا دئیے۔ ذرائع کے مطابق پاکستان سپورٹس بورڈ کی جانب سے پی ایف ایف کو پھر سے متعلقہ کاغذات جمع کرانے کی ہدایت کی گی ہے۔دوسری جانب قومی وویمن ٹیم کی روانگی 12 اکتوبر کو وفاقی دارالحکومت سے ہوگی اور اس حوالے سے پی ایف ایف کھلاڑیوں کی ٹکٹ بھی خرید چکی ہے تاہم قومی وویمن ٹیم کی نیپال روانگی حکومتی اجازت سے مشروط ہے۔قومی ٹیم کا کیمپ اسلام آباد میں جاری ہے۔

کریڈٹ: انڈیپنڈنٹ نیوز پاکستان-آئی این پی