بھارتی اداکارہ و سیاستدان کنگنا رناوت نے بالی ووڈ کے تینوں خانز پر اکثر اوقات تنقید کے باوجود ان کے ساتھ فلم پروڈیوس اور ڈائریکٹ کرنے کی خواہش کا اظہار کیا ہے۔کنگنا کی نئی فلم ایمرجنسی کے ٹریلر لانچ کے دوران اداکارہ سے سوال کرتے ہوئے ایک صحافی نے پوچھا کہ بالی ووڈ کے تینوں مشہور خان شاہ رخ خان، سلمان خان اور عامر خان کے بارے میں آپ کی رائے کیا ہے؟سوال کا جواب دیتے ہوئے کنگنا کا کہنا تھا کہ میں تینوں خانز کے ساتھ ایک فلم پروڈیوس اور ڈائریکٹ کرنا پسند کروں گی اور ان کے اس باصلاحیت پہلو کو دنیا کے سامنے پیش کروں گی جو اب تک کسی ڈائریکٹر نے نہیں کیا ہے۔اداکارہ کا مزید کہنا تھا کہ میں تینوں خانز کو ایک ساتھ کاسٹ کرکے ایسی فلم بنائوں گی جس میں معاشرے کو ایک بہترین سبق ملے اور ساتھ ہی تینوں بہترین اداکاروں کو اپنی قابلیت دنیا کو دکھانے کا موقعہ بھی ملے گا۔

کریڈٹ: انڈیپنڈنٹ نیوز پاکستان-آئی این پی