بریسٹ کینسر کا شکار بھارتی اداکارہ حنا خان نے خوبصورتی میں کمی آجانے کے باوجود محبت قائم رہنے سے متعلق ایک اہم سوال اپنے بوائے فرینڈ راکی سے پوچھ لیا۔حنا خان نے فوٹو اینڈ ویڈیو شیئرنگ ایپ انسٹاگرام پر ایک ویڈیو جاری کی جس میں وہ بینگز ود شارٹ ہیئر والی وگ پہنی نظر آئیں۔اداکارہ ویڈیو میں سبز و گلابی چیکڈ شرٹ پہنی نظر آئیں اور مسکراتے ہوئے کبھی آسمان کو تکتی دکھیں تو کبھی کیمرے کی جانب دیکھ کر ہنستی نظر آئیں۔اس ویڈیو پر حنا خان نے امریکی گلوکارہ لانا ڈیل رے کا گیت ینگ اینڈ بیوٹی فل لگایا جس میں گلوکارہ اپنے محبوب سے یہ سوال کر رہی ہے کہ کیا تم تب بھی مجھ سے پیار کروگے کہ جب میں خوبصورت اور جوان نہیں رہوں گی؟حنا خان نے پوسٹ کے کیپشن میں بھی اسی گیت کا حوالہ دیتے ہوئے وِل یو یعنی کیا تم کروگے پیار؟ لکھا۔پوسٹ کے کمنٹ سیکشن میں حنا خان کے بوائے فرینڈ راکی نے ان کے تمام خدشات کو مٹاتے ہوئے لکھا کہ ہاں ہمیشہ کروں گا۔

کریڈٹ: انڈیپنڈنٹ نیوز پاکستان-آئی این پی