پاکستان کی نمبر ون ٹک ٹاک اسٹار اور اداکارہ جنت مرزا کے بریک اپ سے متعلق بیان پر ان کے سابق منگیتر عمر بٹ کا ردعمل سامنے آگیا ۔حال ہی میں جنت مرزا نے ٹک ٹاکر عمر بٹ سے راہیں جدا کرنے سے متعلق بیان دیا تھا۔جنت مرزا کا اپنے بیان کہنا تھا کہ وہ بریک اپ کے لیے تیار نہیں تھیں لیکن انہیں اس بات کی خوشی بھی ہے کہ یہ رشتہ نکاح سے پہلے ہی ختم ہوگیا کیونکہ اگر نکاح کے بعد علیحدگی ہوتی تو وہ بہت زیادہ تکلیف دہ لمحہ ہوتا۔ اس بیان پر عمر بٹ نے اپنے آفیشل انسٹاگرام ہینڈل کی اسٹوری میں ایک پیغام جاری کیا جس میں انہوں نے مبہم انداز اپناتے ہوئے کہا کہ میرے والدین نے میری بہت بہترین پرورش کی ہے، اسی لیے میں کسی کے بارے میں بات نہیں کرتا۔ٹک ٹاکر نے جنت مرزا کا نام لیے بغیر ان پر طنزیہ وار کرتے ہوئے کہا کہ مجھے سستی توجہ حاصل کرنے کا شوق نہیں ہے، اللہ آپ کو خوش رکھے، آمین۔

کریڈٹ: انڈیپنڈنٹ نیوز پاکستان-آئی این پی