بھارت ورلڈ چیمپئن شپ آف لیجنڈز کے سیمی فائنل میں پہنچ گیا،ورلڈ چیمپئن شپ آف لیجنڈز کرکٹ ٹورنامنٹ میں جنوبی افریقا نے آخری میچ میں انڈین چیمپئنز کو 54رنز سے ہرادیا۔ شکست کے باوجود انڈین چیمپئنز نے سیمی فائنل کے لیے کوالیفائی کرلیا،نارتھ ہیمپٹن میں کھیلے گئے میچ میں جنوبی افریقا چیمپئنز نے پہلے کھیلتے ہوئے 8وکٹ پر 210رنز بنائے۔سین مین 73، لیوی 60رنز بناکر نمایاں رہے ،بھارت کی جانب سے ہربجھن سنگھ نے چار کھلاڑیوں کو آئوٹ کیا،بھارت کو جیت کے لیے 211اور سیمی فائنل میں کوالیفائی کرنے کے لیے153رنز کا ہدف ملا،لیکن ہدف کے تعاقب میں بھارت کی پانچ وکٹیں 77رنز پر گر گئیں ،جس کے بعد انڈین چیمپئنز نے میچ جیتنے کے بجائے153رنز کو ہدف بنالیا،عرفان پٹھان اور یوسف پٹھان کے درمیان 56رنزکی شراکت بنی ۔عرفان 35رنز بناکر رن آئوٹ ہوئے ، تاہم یوسف پٹھان نے اگلی دو گیندوں پر ڈیل اسٹین کو چھکا اور چوکا لگایا اور پھر آخری گیند پر چوکا لگاکر بھارت کو 153رنز سے پار کیا،یوسف پٹھان 54رنز بناکر ناٹ آئوٹ رہے ،جنوبی افریقا چیمپئنز میچ تو 54رنز سے جیت گئی لیکن سیمی فائنل کے لیے کوالیفائی نہ کرسکی،بھارت نے ایونٹ میں چوتھی پوزیشن حاصل کی ہے، سیمی فائنل میں اس کا مقابلہ آسٹریلیا سے ہوگا جبکہ پاکستان کی ٹیم ویسٹ انڈیز کے مد مقابل ہوگی۔

کریڈٹ: انڈیپنڈنٹ نیوز پاکستان-آئی این پی