بالی ووڈ کے معروف شاعر، نغمہ نگار جاوید اختر کا سوشل میڈیا اکائونٹ ہیک ہوگیا۔انہوں نے سماجی رابطے کے ویب سائٹ ایکس پر پیغام شیئر کرتے ہوئے اپنے مداحوں کو آگاہ کیا کہ ان کا ایکس اکائونٹ ہیک ہوگیا ہے۔نغمہ نگار نے اولمپکس 2024 میں بھارتی ٹیم کے لیے کی گئی سے لا تعلقی کا اظہار کرتے ہوئے اپنے مداحوں کو بتایا کہ میری ایکس آئی ڈی ہیک ہوگئی ہے، بظاہر میرے اکائونٹ سے اولمپکس میں ہماری بھارتی ٹیم کے لیے ایک پوسٹ شیئر کی گئی ہے۔ یہ بالکل بے ضرر پوسٹ ہے، لیکن یہ میں نے شیئر نہیں کی ہے۔انہوں نے مزید لکھا کہ وہ متعلقہ حکام سے رابطے میں ہیں، اور اپنی شکایت درج کروا رہے ہیں۔واضح رہے کہ جاوید اختر حالیہ پوسٹ میں جس پوسٹ کے حوالے سے ذکر کر رہے ہیں وہ پوسٹ اب ان کی ٹائم لائن پر اب موجود نہیں ہے۔

کریڈٹ: انڈیپنڈنٹ نیوز پاکستان-آئی این پی