یورپین فٹ بال چیمپئن شپ کے ٹاپ 16 رائونڈ میں( آج )بدھ کو مزید آخری دو میچوں کا فیصلہ ہوگا ۔یورپین فٹ بال چیمپئن شپ کے ساتویں پری کوارٹر فائنل میچ میں رومانیہ کا مقابلہ نیدرلینڈز سے ہوگا جبکہ آٹھویں اور آخری پری کوارٹر فائنل میچ میں آسٹریا اور ترکی کی ٹیمیں آمنے سامنے ہوں گی۔ یوئیفا کے زیر اہتمام میگا ایونٹ کے دلچسپ مقابلوں کا سلسلہ جاری ہے جس میں شائقین فٹ بال کو کانٹے دار مقابلے دیکھنے کو مل رہے ہیں۔یورپین فٹ بال چیمپئن شپ کے ساتویں پری کوارٹر فائنل میچ میں رومانیہ اور نیدرلینڈ کی ٹیمیں الیانز ایرینا، میونخ کے مقام پر پنجہ آزمائی کریں گی ۔اسی روز یورپین فٹ بال چیمپئن شپ میں آٹھواں اور آخری پری کوارٹر فائنل میچ آسٹریا اور ترکی کی ٹیموں کے درمیان ریڈ بل ایرینا، لیپزگ میں کھیلا جائے گا۔ چیمپئن شپ کے چاروں کوارٹر فائنل میچز 5 اور 6 جولائی کو کھیلے جائیں گے۔چیمپئن شپ کا پہلا سیمی فائنل میچ 9 جولائی جبکہ دوسرا 10 جولائی کو کھیلا جائے گا۔چیمپئن شپ کا فائنل میچ 14 جولائی کو جرمنی کے دارا لحکومت برلن میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی