ٹی20ورلڈکپ کے نویں میچ میں یوگنڈا نے پاپوا نیو گنی کو 3وکٹوں سے شکست دے دی۔پروویڈنس میں کھیلے گئے گروپ سی کے میچ میں یوگنڈا نے 78رنز کا ہدف 19ویں اوور میں 7وکٹوں کے نقصان پر حاصل کیا۔یوگنڈا کی جانب سے ریاضت علی شاہ 33رنز بنا کر نمایاں رہے۔ جوما میاگی 13، الپیش رامجانی 8، سائمن سسازی، روبنسن اوبیا 1، 1جبکہ دِنیش ناکرانی اور روجر موکو دونوں صفر پر آئوٹ ہوئے۔پاپوا نیوگنی کی جانب سے الی نانے 2جبکہ نورمن وینیوا، چاڈ سوپر اور کپتان اسد والا نے بالترتیب ایک ،ایک وکٹ حاصل کی۔اس سے قبل یوگنڈا کی دعوت پر پہلے کھیلتے ہوئے پاپوا نیو گنی نے 20ویں اوور میں 77رنز پر ڈھیر ہوگئی۔پاپوا نیوگنی کی جانب سے ہِری ہِری 15جبکہ لیگا سیاکا اور کپلن ڈوریگا 12، 12رنز بنا کر نمایاں رہے۔ سیسے با ئو 5، چارلس امینی 5، نورمن وینیوا 5، الی نا 5، چاڈ سوپر 4، ٹونی ارا 1اور کپتان اسد والا صفر پر پویلین لوٹے۔یوگنڈا کی جانب سے الپش رامجانی، جوما میاگی، کوسماس کائیوٹا اور فرینک سوبوگا نے 2، 2جبکہ کپتان برائن مسابا نے 1وکٹ حاصل کی۔

کریڈٹ: انڈیپنڈنٹ نیوز پاکستان-آئی این پی