ٹی ٹونٹی ورلڈ کپ میں دلچسپ صورتحال امریکہ میں یکم جون کو ہونے والا میچ پاکستان میں دو جون کو دیکھا جا سکے گا۔عالمی ٹی 20 کرکٹ کپ امریکہ میں جب یکم جون کو شروع ہوگا تو اس وقت پاکستان میں تاریخ تبدیل ہو چکی ہوگی اور پاکستان میں دو جون کے صبح ساڑھے پانچ بج رہے ہوں گے۔ٹیکساس میں یہ میچ یکم جون کی رات امریکہ کے مقامی وقت کے مطابق ساڑھے سات بجے شروع ہوگا اور اس وقت پاکستان میں دو جون ہوگی اور صبح ساڑھے پانچ بج رہے ہوں گے۔اس ٹورنامنٹ میں یہ کیفیت تقریبا پورا مہینہ جاری رہے گی کہ امریکہ میں تاریخ اور ہوگی اور پاکستان میں تاریخ اور ہوگی۔اس ورلڈ کپ میں زیادہ تر میچز ایسے ٹائم پر کھیلے جائیں گے کہ جس وقت پاکستانی شائقین کو ٹی وی پر میچ دیکھنا مشکل ہوگا۔

کریڈٹ: انڈیپنڈنٹ نیوز پاکستان-آئی این پی