ٹی ٹوئنٹی ورلڈ کپ کے سلسلے میں امریکا میں موجود پاکستان کی قومی کرکٹ ٹیم کے اہم آل رائونڈر عماد وسیم ورلڈ کپ کے پہلے میچ سے آئوٹ ہوگئے۔ورلڈ کپ میں پاکستان کے پہلے میچ میں عماد وسیم کی عدم دستیابی کی تصدیق کرتے ہوئے کپتان بابر اعظم کا کہنا تھا کہ عماد وسیم سائیڈ اسٹرین کا شکار ہیں جس کی وجہ سے وہ ٹیم کیلئے پہلا میچ نہیں کھیل پائیں گے۔کپتان بابر اعظم نے کہا کہ عماد وسیم پہلا میچ نہیں کھیلیں گے مگر پرامید ہیں کہ وہ بقیہ میچز کیلئے ٹیم کو دستیاب ہوں گے۔ واضح رہے کہ پاکستان کرکٹ ٹیم ورلڈ کپ میں پہلا میچ امریکا کے خلاف 6جون کو کھیلے گی، جبکہ امریکی ٹیم ٹی ٹوئنٹی ورلڈ کپ کے پہلے میچ میں کینیڈا کی ٹیم کو شکست دیکر اپنی کامیابی کا کھاتا کھول چکی ہے۔

کریڈٹ: انڈیپنڈنٹ نیوز پاکستان-آئی این پی