اسلام آباد ٹینس کمپلیکس کے زیر اہتمام ایمپیٹس کے تعاون سے کھیلے گئے آئی ٹی سی اوپن ٹینس ٹورنامنٹ میں حمزہ عاصم نے مردوں اور ماہ رخ ساجد نے خواتین کا ٹائٹل جیت لیا،ایونٹ کے مردوں کے سنگلز فائنل میچ میں حمزہ عاصم نے یاور علی کو 3-6، 6-4اور 6-10سے ہرا کر چیمپئن ہونے کا اعزاز حاصل کیا جبکہ خواتین کے فائنل میں ماہ رخ ساجد نے لالہ رخ ساجد کو 4-8سے شکست دے کر لیڈیز سنگلز کا ٹائٹل اپنے نام کیا،علاوہ ازیں مینز ڈبلز کے فائنل میں یاور علی اور زلان خان نے مرتضی خان اور امین خان کو 3-6، 6-3اور 7-10سے ہرا دیا جبکہ بوائز انڈر 18کے فائنل میں محمد سالار نے حاذق عاصم کو 3-6، 7-5اور 6-10سے شکست دی،ٹورنامنٹ کی اختتامی تقریب میں اسلام آباد ٹینس ایسوسی ایشن کے نائب صدر حسن بیگ اور ڈیوس کپ کوچ فضل سبحان نے کھلاڑیوں میں انعامات تقسیم کئے۔

کریڈٹ: انڈیپنڈنٹ نیوز پاکستان-آئی این پی