شوبز انڈسٹری کی معروف جوڑی اداکارہ و میزبان ندا یاسر اور ان کے شوہر اداکار، ہدایتکار و پروڈیوسر یاسر نواز ایک بار پھر تنقید کی زد میں آگئے۔ندا یاسر اور یاسر نواز اپنا باقاعدہ یوٹیوب چینل چلا رہے ہیں جس پر وہ اپنے نت نئے وی لاگز شیئر کرتے رہتے ہیں۔جوڑا آج کل بیرونِ ملک اٹلی کے سیر سپاٹوں میں مصروف ہے اور وہاں سے وی لاگز شیئر کر رہا ہے جس پر صارفین اس جوڑے پر سیخ پا نظر آ رہے ہیں۔اس جوڑے پر صارفین کی تنقید کی اہم وجہ ندا یاسر کا حجاب نہ اوڑھنا ہے۔ندا یاسر اور یاسر نواز نے اپنے وی لاگ میں اس پر بات کی ہے اور ٹرولز کرنے والوں کو ٹرولنگ جاری رکھنے کا مشورہ دیا ہے۔سوشل میڈیا پلیٹ فارمز پر ندا یاسر اور یاسر نواز کے وی لاگ سے ایک مختصر سا کلپ وائرل ہے جس میں اداکارہ کا کہنا ہے کہ اگر ہم حج کے بعد گھومنے آ گئے ہیں تو اس میں ہم نے کیا غلطی کر دی ہے ہم یہاں اللہ کے بنائے ہوئے خوبصورت نظارے ہی دیکھنے آئے ہیں، یہ نظارے بھی اللہ ہی نے بنائے ہیں، اس میں کیا غلط بات ہے۔

کریڈٹ: انڈیپنڈنٹ نیوز پاکستان-آئی این پی