معروف میزبان و اداکارہ نادیہ خان نے مقبول اداکارہ حبا بخاری کے حاملہ ہونے کا انکشاف کردیا۔ ایک ٹی وی چینل کے شو کی حالیہ قسط میں نادیہ خان نے اداکارہ حبا بخاری سے متعلق اہم انکشاف بھی کیا۔نادیہ خان نے انکشاف کیا کہ حبا بخاری حاملہ ہیں، ان کے اور اداکار آریز احمد کے ہاں بہت جلد پہلے بچے کی آمد متوقع ہے۔نادیہ خان نے پہلے بچے کے والدین بننے کی خوشخبری پر حبا بخاری اور ان کے شوہر و اداکار آریز احمد کو مبارکباد بھی دی۔دوسری جانب حبا بخاری اور ان کے شوہر نے حمل کی خبر کو مداحوں اور سوشل میڈیا کی دنیا سے چھپا کر رکھا ہوا ہے، جوڑے کی جانب سے ابھی تک اس خبر کا اعلان نہیں کیا گیا۔واضح رہے کہ حبا بخاری نے سال 2022 میں ساتھی اداکار آریز احمد سے شادی کی تھی۔

کریڈٹ: انڈیپنڈنٹ نیوز پاکستان-آئی این پی