معروف اداکارہ کبریٰ خان نے کہا ہے کہ اداکار گوہر رشیدہی میرے پسندیدہ گوہر ہیں۔کبری خان نے حال ہی میں انٹرویو کے دوران اپنے پسندیدہ گوہر کے بارے میں کھل کر بات کی۔ اداکارہ کی عید الاضحی پر ریلیز ہونے والی فلم میں انہوں نے پہلی بار گلوکار و اداکار گوہر ممتاز کے مد مقابل اداکاری کے جوہر دکھائے ہیں۔اس سے قبل کبری خان اور اداکار گوہر رشید کی آن اسکرین جوڑی کو بیحد پسند کیا گیا ہے۔ ان دونوں کو کئی پروجیکٹس میں ایک ساتھ دیکھا گیا ہے۔صرف کام کی سطح پر ہی نہیں بلکہ حقیقی زندگی میں بھی ان دونوں کی اس قدر گہری دوستی ہے کہ مداحوں کی بڑی تعداد ان کے افیئر کے حوالے سے بھی قیاس آرائیاں کرتی دکھائی دی ہے، جس کی ان دونوں نے کئی مرتبہ تردید بھی کی ہے۔تاہم اب حال ہی میں کبری خان سے دوران انٹرویو سوال کیا گیا کہ ان کا پسندیدہ گوہر کون ہے؟، جس پر انہوں نے بتایا کہ ظاہر سی بات ہے گوہر رشید پسندیدہ گوہر ہیں۔

کریڈٹ: انڈیپنڈنٹ نیوز پاکستان-آئی این پی