پاکستان کرکٹ بورڈ (پی سی بی) نے قومی ریڈ بال ٹیم کے ہیڈ کوچ جیسن گلیسپی کو دورہ آسٹریلیا کے لئے قومی وائٹ بال ٹیم کا بھی بوری ہیڈ کوچ مقرر کر دیا۔ذرائع کے مطابق پاکستان کرکٹ بورڈ نے گیری کرسٹن کا استعفی قبول کر لیا ہے۔گزشتہ روز ہی پاکستان وائٹ بال ٹیم کے ہیڈ کوچ نے اپنے عہدے سے مستعفی ہونے کا فیصلہ کیا تھا۔پی سی بی اعلامیے کے مطابق ریڈ بال ٹیم کے ہیڈکوچ جیسن گلیسپی کو آسٹریلیا میں ٹیم کے ساتھ جانے کے حوالے سے آگاہ کر دیا گیا ہے وہ وائٹ بال ٹیم کے مستعفی ہیڈ کوچ گیری کرسٹن کی جگہ اضافی ذمہ داریاں سنبھالیں گے ۔ گیری کرسٹن کے مستعفی ہونے کے بعد جیسن گلیسپی بطور ہیڈ کوچ اولین چوائس تھے اور آسٹریلوی ہونے کے سبب ان کو ویزے کی بھی ضرورت نہیں تھی۔ جیسن گیلسپی آسٹریلوی کنڈیشنز کا بخوبی تجربہ رکھتے ہیں، جس کی بنا پر ان کو سلیکٹر عاقب جاوید پر ترجیح دی گئی ہے۔

کریڈٹ: انڈیپنڈنٹ نیوز پاکستان-آئی این پی