پولینڈ کی نامور ٹینس سٹار ،عالمی نمبر ون،دفاعی چیمپئن اور ایونٹ کی ٹاپ سیڈڈ آئیگا نتالیہ سویٹیک اور اٹلی کی ٹینس کھلاڑی جیسمین پالینی فرنچ اوپن ٹینس کے خواتین کے سنگلز مقابلوں کے فائنل میں پہنچ گئیں جبکہ امریکی ٹینس سٹار اور ایونٹ کی تھرڈ سیڈڈ کوکوگف اور روسی ٹینس سٹار میرا اینڈریوا سیمی ر فائنل رائونڈ میں ہار کر باہر ہوگئیں۔ میگا ایونٹ کے ویمن سنگلز مقابلوں کے پہلے سیمی فائنل میچ میں پولینڈ کی آئیگا نتالیہ سویٹیک نے انتہائی شاندار کارکردگی کا مظاہرہ کرتے ہوئے حریف امریکی ٹینس سٹار اور ایونٹ کی تھرڈ سیڈڈ کوکوگف کو سٹریٹ سیٹس میں شکست دے کر فائنل کے لئے کوالیفائی کرلیا۔ دفاعی چیمپئن اور ایونٹ کی ٹاپ سیڈڈ آئیگا نتالیہ سویٹیک کی فتح کا سکور 2-6اور 4-6تھا۔ دوسرے سیمی فائنل میچ میں اٹلی کی ٹینس کھلاڑی جیسمین پالینی نے شاندار کارکردگی کا مظاہرہ کرتے ہوئے روسی ٹینس سٹار میرا اینڈریوا کو سٹریٹ سیٹس میں 3-6اور 1-6سے ہرا کر ایونٹ سے باہر کر دیا۔ فائنل میچ میں پولینڈ کی آئیگا نتالیہ سویٹیک کا مقابلہ اٹلی کی ٹینس کھلاڑی جیسمین پالینی ف سے ہوگا۔

کریڈٹ: انڈیپنڈنٹ نیوز پاکستان-آئی این پی