معروف اداکارہ و ٹی وی میزبان نادیہ خان نے کہا ہے کہ سینئر اداکار فردوس جمال نے ہمایوں سعید کے لیے جو ٹی وی شو میں الفاظ کہے، وہ انتہائی برے تھے، انہیں ایسے الفاظ استعمال نہیں کرنے چاہیے تھے۔ ایک ٹی وی پروگرام میں اداکارہ کا کہنا تھا کہ پوڈکاسٹس میں اداکاروں کو پھنسایا جاتا ہے، ان سے جان بوجھ کر ایسے سوالات کیے جاتے ہیں کہ وہ کچھ نہ کچھ غلط بول دیتے ہیں۔ان کے مطابق پہلے ٹی وی شوز میں ایسا نہیں ہوتا تھا لیکن اب میزبان زیادہ ویوز سے پیسے کمانے کے چکر میں اداکاروں یا مہمانوں کو سوالات کرکے پھنسا دیتا ہے۔نادیہ خان کا کہنا تھا کہ ٹی وی شوز اور پوڈکاسٹس کے میزبانوں کے عجیب سوالات کی وجہ سے اب انہوں نے ایسے شوز میں جانا بند کردیا ہے اور وہ ایسے شوز میں جانے سے کتراتی ہیں۔ان کے مطابق ٹی وی شو میں فردوس جمال نے ہمایوں سعید کے لیے جو الفاظ کہے، وہ بہت برے تھے، ایسے الفاظ گھر میں تو بولے جا سکتے ہیں لیکن ٹی وی شو میں نہیں بولے جا سکتے فردوس جمال کے ایسے الفاظ پر انہیں دکھ پہنچا۔انہوں نے کہا کہ اتنی عمر میں انسان سیکھ جاتا ہے کہ انہیں کس طرح کے الفاظ بولنے چاہیے۔

کریڈٹ: انڈیپنڈنٹ نیوز پاکستان-آئی این پی