آسٹریلیا کے خلاف ٹی ٹوئنٹی سیریز سے قبل برسبین میں قومی ٹیم کے فوٹو شوٹ میں کپتان محمد رضوان بابر اعظم کو تنگ کرتے رہے۔آسٹریلیا کیخلاف ٹی ٹوئنٹی سیریز کے آغاز سے قبل ہوٹل میں قومی ٹیم کے کھلاڑیوں کا فوٹو شوٹ ہوا جس کی ویڈیو پی سی بی نے اپنے آفیشل انسٹاگرام اکاونٹ پر شیئر کی ہے۔ فوٹو شوٹ میں کھلاڑیوں کی تنہا مختلف پوز دیتے ہوئے تصاویر لی گئیں۔ اس دوران جب بابر اعظم فوٹو شوٹ کے لیے پہنچے تو کپتان محمد رضوان انہیں تنگ کرنے آ گئے۔ویڈیو میں دیکھا جا سکتا ہے کہ بابر اعظم فوٹو شوٹ کے لیے جب پہنچے تو محمد رضوان شرارتی مسکراہٹ کے ساتھ ان کے قریب کھڑے ہوگئے اور مزید نزدیک ہونے لگے، اس دوران بابر اعظم نے بھی مذاق میں ہاتھ مارنے کی کوشش کی جس کے بعد اور محمد رضوان ہنستے واپس چلے گئے۔ اس کے علاوہ نائب کپتان سلمان علی آغا، نسیم شاہ سمیت تمام کھلاڑیوں نے مختلف پوز دیتے ہوئے خوشگوار ماحول میں فوٹو شوٹ کرایا۔

کریڈٹ: انڈیپنڈنٹ نیوز پاکستان-آئی این پی