بالی وڈ اداکار اکشے کمار کی ایک کے بعد ایک فلم باکس آفس پر ناکام ہوچکی ہے اور انہیں کیرئیر میں دوسری بار ایسی صورتحال کا سامنا کرنا پڑ رہا ہے۔ ایک تازہ انٹرویو کے دوران اکشے کا کہنا تھا کہ اب وہ فلمیں اس لیے نہیں کرتے پیسہ کمانا ہے بلکہ اس لیے کرتے ہیں کہ انہیں اس میں مزہ آتا ہے، اب میں کام اس لیے کرتا ہوں کیونکہ یہ میرا جذبہ ہے، جس دن مجھے لگا کہ کام بوجھ بن رہا ہے، میں کام کرنا چھوڑ دوں گا۔اکشے کا ماننا ہے کہ کامیابی اور ناکامی زندگی کا حصہ ہیں، ان کا کہنا ہے کہ زندگی میں جو چیز اوپر جاتی ہے، وہ کبھی نہ کبھی نیچے بھی آتی ہے لیکن بڑا آدمی وہ ہوتا ہے جو نیچے گر کر خود کو سنبھال لیتا ہے۔

کریڈٹ: انڈیپنڈنٹ نیوز پاکستان-آئی این پی