اداکار فیروز خان کی شادی میں انکی بہن و اداکارہ حمائمہ ملک کی شرکت کی ویڈیو نے شادی کی تاریخ پر نئی بحث چھیڑ دی۔جہاں ایک طرف فیروز خان کی شادی کی تصاویر اور ویڈیوز سوشل میڈیا پر تہلکہ مچاتی نظر آئیں وہیں دوسری جانب حمائمہ ملک نے اس دن انسٹاگرام پر اسٹوری جاری کی جس میں وہ دبئی میں اپنے دوستوں کے ساتھ نظر آئیں۔حمائمہ ملک کی ان تصاویر کو دیکھ کر سوشل میڈیا صارفین نے یہ اندازہ لگایا کہ اداکارہ فیروز خان کی شادی میں شریک نہیں تھیں لیکن اب ایک نئی وائرل ویڈیو نیا راز سامنے لے آئی ہے۔وائرل ویڈیو میں عروسی جوڑے میں ملبوس فیروز خان اور ان کی دوسری اہلیہ دعا شادی کا جشن مناتے ہوئے کیک کاٹ رہے ہیں اور اسی دوران سفید لباس پر سرخ دوپٹہ پہنیں حمائمہ ملک بھی ویڈیو میں نظر آئیں جو فیروز خان سے محوِ گفتگو تھیں۔شادی کی تقریب میں حمائمہ ملک کو دیکھ کر مداحوں کا کہنا ہے کہ اس وقت حمائمہ ملک پاکستان میں نہیں تھیں لیکن ویڈیوز لیک ہوجانے پر فیروز خان نے اپنی شادی کی تصویر جاری کردی تاہم فیروز خان نے تاریخ کے حوالے سے کوئی دعوی نہیں کیا ہے کہ وہ یکم جون کو ہوئی یا اس سے قبل ہوئی تھی۔

کریڈٹ: انڈیپنڈنٹ نیوز پاکستان-آئی این پی