ٹی وی و فلم کے معروف اداکارفیروز خان نے دوسری اہلیہ کے ہمراہ سوشل میڈیا پر نئی تصویر شیئر کی ہے۔فیروز خان کی نئی تصویر ان کے مداحوں کو خوب بھا گئی ہے جس میں اس خوبصورت جوڑی نے میچنگ کرتے ہوئے سیاہ رنگ کا لباس زیب تن کیا ہوا ہے۔کسی صارف نے اس جوڑی کو خوبصورت ترین قرار دیتے ہوئے نظر بد سے بچنے کی دعا دی ہے تو کسی نے فیروز خان کی نئی اہلیہ کو اداکار کے لیے کیوٹ پنچنگ بیگ لکھا ہے۔اس تصویر پر جہاں اس نئی نویلی جوڑی کی خوب تعریفیں اور دعائیہ کمنٹس کیے جا رہے ہیں وہیں ایک صارف نے اداکار کی سابقہ اہلیہ علیزا سلطان کا ذکر چھیڑ دیا جس پر صارفین کا کہنا ہے کہ فیروز خان اور علیزا کی طلاق ہو گئی ہے اب یہ سوال ختم ہو جانا چاہیے۔

کریڈٹ: انڈیپنڈنٹ نیوز پاکستان-آئی این پی