اداکار فیروز خان کی اپنی دوسری اہلیہ اور بیٹی فاطمہ کے ساتھ پہلی تصویر بھی شدید تنقید کی زد میں آگئی۔فیروز خان گزشتہ ماہ کے آخر سے اپنی دوسری شادی کے سبب شہ سرخیوں کا حصہ بنے ہوئے ہیں اور آئے دن ان کی کوئی نہ کوئی نئی تصویر سوشل میڈیا صارفین کی توجہ کا مرکز بن رہی ہے۔ سوشل میڈیا پر ایک نئی تصویر زیرِ گردش ہے جس میں فیروز خان کے ساتھ ان کی دوسری اہلیہ دعا کو دیکھا جاسکتا ہے جبکہ فیروز خان کی گود میں فاطمہ ہیں جو دعا کو دیکھ رہی ہے۔جہاں سوشل میڈیا پر جاری ہوتے ہی اس تصویر پر سوشل میڈیا صارفین دعا اور فاطمہ کو دیکھتے نظر آئے وہیں فیروز خان کے ہاتھوں میں نظر آنے والے اسرائیلی فوڈ چین کے فاسٹ فوڈ بیگز تنقید کی وجہ بن گئے جس پر فیروز خان کو سوشل میڈیا صارفین نے آڑے ہاتھوں لے لیا۔

کریڈٹ: انڈیپنڈنٹ نیوز پاکستان-آئی این پی