فیفا ورلڈ کپ کوالیفائر رائونڈ 2میں تاجکستان نے پاکستان کو صفر کے مقابلے میں تین گول سے شکست دے دی، دوشنبہ کے پامیر سٹیڈیم میں کوالیفائر رائونڈ 2کا آخری میچ میں تاجکستان کی جانب سے پہلا گول میچ کے پہلے ہاف میں شیروانی محبت شاہوف نے کھیل کے 35ویں منٹ میں کیا۔کھیل کے پہلے ہاف کے اختتام پر تاجکستان کو ایک گول کی برتری حاصل تھی۔تاجکستان کی جانب سے دوسرا گول منوچہر صفروف نے 65ویں منٹ میں کیا، میچ کے 70ویں منٹ میں وحدت ہنانوف نے تیسرا گول کر دیا، تاجکستان کو تین گول کی برتری میچ کے اختتام تک برقرار رہی۔فیفا ورلڈ کپ کوالیفائر رائونڈ2کیلئے پاکستان نے پہلی مرتبہ کوالیفائی کیا تھا اور اس مرحلے کے تمام چھ میچوں میں اسے شکست کا سامنا کرنا پڑا۔

کریڈٹ: انڈیپنڈنٹ نیوز پاکستان-آئی این پی